Залуу минь чи надад дурла
Зүрх сэтгэлээ бүү харамла
Хайртай гэдгээ битгий нуу
Халуухан зүрхээ надад тушаа
Зөвхөн надад л үхтлээ дурла
Зүггүй зүрхээ бүү амраа
Хагацахгүй гэж амлах хэрэггүй
Халуухан энгэртээ л чанга тэвэр
Хонгор минь чи надад дурла
Хорин хэдхэн насыг минь
Холдож одохоос нь өмнө дурла
Уруулын минь өнгөнд унаж дурла
Ухааны минь уудамд аялаж дурла
Бэлхүүсний минь нарийханд биширч дурла
Биений минь уянд хайлж дурла
Нүдний минь харцанд ээрэгдэн дурла
Нүцгэн биеэнд минь умбаж дурла
Дурла залуу минь надад дурла
Дурлал хайранд чинь үйж үхье би!!!
2 comments:
яахав хэлэх үг алга би ямар яруу найрагч ч биш бас шүүмжлэгч ч биш болохоор. Үргэлж шинэчилж шинэлэг мэдээлэл шүлэгээр дүүрэн байлгаарай. Бас бүтэлгүй хайрын тухай биш өөдрөг өнгөтэй хайрын тухай шүлэг олж оруулаарай. Амжилт хүсъе.
Сайхан л бичсэн байна. Нэг Солонгос залууг л өөртөө дурла гээд байгаа юм аа даа.
Post a Comment